top of page
  • Writer's pictureДело-Скопје

Уметничкиот проект „Поврзување“ од Република Македонија во посета на бугарскиот град Сандански


Уметничкиот проект „Поврзување“ на Културно-информативниот центар (КИЦ) на Република Северна Македонија во Софија ќе го посети бугарскиот град Сандански со изложбата „Средби од десеттиот вид“. Отворањето е на 8 ноември во Домот на културата во градот, велат организаторите, јавува БТА .

Изложбата е десетта за проектот и ова лето беше претставена во галеријата на Националната уметничка академија во Софија. Изложбата е дел од овогодинешните настани по повод 30 години од воспоставувањето на дипломатски односи меѓу Република Македонија и Бугарија.


Изложбата е составена од дела на 16 автори. Меѓу нив се уметниците од Северна Македонија Маријана Иванова, Перица Георгиев – Пепси, Павел Целкоски, Маријан Ѕингаров, Иво Пецов, Зоран Мише, Гордана Вренцоска, Дејан Иванов – Маргуш, Јана Манева-Чупоска, Беди Ибрахим, како и бугарските уметници Момчил Мирчев, Свилен Стефанов и Росен Тошев. На овогодинешната јубилејна изложба за првпат се вклучени и автори од други земји како Рикардо Кварезма Виеира и Валтер Пратас од Португалија и Золтан Ференц од Романија.


„Средби од десеттиот вид“ е составена од околу 50 дела од областа на графиката, сликарството, скулптурата, фотографијата, дигиталната графика и видео уметноста.


Почетокот на проектот „Поврзување“ на КИЦ на Република Македонија беше поставен во 2012 година и произведува ликовни изложби.


„Во позадина на сета модерна медиумска врева, нашите уметнички средби добиваат чуден изглед и како да треба да се движиме против струјата на сето „нормално“ околу нас. Во услови на отуѓување меѓу луѓето и силна поларизација на нашите општества демне осудувачкиот тон на оние кои сакаат да не видат поделени, предлагаат разделба и прекин на контактите. Во овој контекст, нашите напори преку нашите уметнички средби во форма на изложби како да добиваат сизифовски карактер и стојат надвор од масовното однесување“, вели кураторот д-р Иво Пецов. Според неговите зборови, изборот на авторите за изложбата произлегува од нивната поврзаност и нивната желба за сличен тип на комуникација.


Comments


bottom of page