Симитли повторно ќе ја прослави древната кукерска традиција преку Меѓународниот кукерски фестивал „Симитлија-Древната земја на кукерите“

Под покровителство на градоначалникот на општина Симитли, Апостол Апостолов, градот и оваа година ќе стане сцена на едeн од највпечатливите и најинспиративни културни настани во Бугарија – Меѓународниот кукерски фестивал „Симитлија – Древната земја на кукерите“, јавува Пиринско.

На 10 и 11 јануари 2026 година, Симитли повторно ќе пречека илјадници кукери од земјата и од странство. Градот ќе оживее во ритамот на ѕвонците, во боите на маските и во духот на древните ритуали што се пренесуваат низ генерациите.

Во текот на двата фестивалски дена, стадионот „Септември“ ќе биде домаќин на впечатливо дефиле на кукерски групи – вистински празник на традицијата, уметноста и заедништвото. Гостите ќе уживаат во богато разнообразие од маски, костими и ритуали од различни делови на Бугарија и светот.

Фестивалот одамна го надмина локалниот карактер и се претвори во симбол на бугарското културно наследство и меѓународното пријателство. Тој обединува учесници од различни култури кои ја делат истата мисија – да го зачуваат и пренесат духот на кукерската традиција.

Општина Симитли ги поканува сите кукерски групи да се приклучат кон овој незаборавен празник.

Извор:https://tribuna.mk/