Млади уметници од Бугариja и Република Северна Македонија создадоа 120 дела за време на петдневна уметничка размена во Софија и Пловдив

Со многу насмевки, незаборавни моменти, нови пријателства и дури 120 насликани дела заврши петдневното гостување на младите уметници од Детското ликовно студио „Свети Кирил и Методиј“ од Битола во Софија и Пловдив. Младите таленти од Република Северна Македонија престојуваа во Бугарија за заедничко творење со врсници од регионот на Родопите, во рамките на проект посветен на културна размена и зближување, јавува Фондација Бугарска памет.

Учесниците најпрво работеа на мотиви од Царската бања во Банкја и зградата на Народниот театар „Иван Вазов“ во Софија. Потоа творењето продолжи во уметничкиот кварт Капана во Пловдив, каде младите уметници ја преточија карактеристичната архитектура на квартот во своите платна.

За време на размената, групата ја посети и поставката „Енчо Пиронков“ во Градската уметничка галерија во Стариот град во Пловдив, каде дел од сликите беа создадени на лице место. Престојот беше збогатен и со традиционални обиколки на двата града, обезбедени од Фондација „Бугарска Памет“ и д-р Милен Врабевски.

Проектот е реализиран по иницијатива на фондацијата и со финансиска поддршка од бугарското Министерство за култура. Целта е продлабочување на врските меѓу младите од двете земји, поттикнување на културен дијалог и создавање трајни пријателства засновани на почит и меѓусебно разбирање.

Извор:https://tribuna.mk/