Бугарската гајда доби зелено светло за УНЕСКО

Бугарската номинација за впишување на елементот „Гајди и гајдарско свирење во Бугарија – пренесување знаења и умешности“ доби позитивна оценка од Комисијата на УНЕСКО и е препорачана за внесување во Репрезентативната листа на нематеријалното културно наследство на човештвото, јавува БГНЕС.

Гајдата, еден од најраспространетите традиционални инструменти во Бугарија, има значајна улога во народната обредност – од свадби до нестинарски ритуали – и се користи како соло, ансамблов и придружен инструмент. Умешноста на свирење и изработката на гајдата се пренесуваат со генерации, денес и преку училишта, музички институции и специјализирани школи.

Номинацијата, подготвена од тим експерти и поддржана од над 120 гајдари и бројни културни институции, е поднесена од бугарското Министерство за култура во 2024 година. Оконечната одлука ќе ја донесе Меѓувладина комисија на УНЕСКО на заседанието во Нови Делхи, Индија, од 8 до 13 декември 2025 година.

Извор:https://tribuna.mk/