Театарската група Applaus на Бугарската културно-просветна организација „Кирил и Методиј“ во Виена ја освои првата награда на десеттото издание на меѓународниот натпревар „Нови гласови, песни и уметности“, организиран од здружението „Евтерпани“. Ова за БТА го пренесе блогот на Бугарите во Австрија Melange Bulgaren.
Актерската екипа учествуваше на натпреварот со претставата „Последните страсни љубовници“ од Нил Сајмон, која за прв пат ја претставија пред Виенската публика во 2019 година. Режисер на претставата е Лина Гладијска-Георгиева, која е и креативен директор на аматерскиот состав во кој учествуваат Веселина Бочукова, Христо Павлов, Христина Лазарова, Дејан Арнаудов, Константина Пилидова и Рами Спасов.
Составот ги обединува Бугарите кои живеат во Виена, а не се професионални актери. Театарската група е создадена во 2016 година. На сцената ги претставува продукциите „Малиот принц“, „Женско царство“ и „Последните страсни љубовници“.
Пандемијата КОВИД-19 ги намали пробите и речиси ги запре настапите на групата, но сега актерите подготвуваат нова претстава.
Comments