Античкиот град Хераклеја Синтика прогласен за Чудото на Бугарија во последните 15 години

Античкиот град Хераклеја Синтика беше прогласен за победник во категоријата „Чудото на Бугарија за последните 15 години (археолошко откритие)“ во рамките на националната кампања „Чудата на Бугарија“.

Наградата беше врачена на свечена церемонија по повод 15 години од иницијативата, која има за цел зачувување и промоција на културно-историското наследство на земјата.

Со гласовите на над 100.000 граѓани, Хераклеја Синтика заслужено го освои признанието. Признанието го примија заменик-градоначалникот Кирил Танушев и претседателката на Општинскиот совет – Петрич, Светла Данаилова, додека раководителот на археолошките истражувања проф. д-р Људмил Вагалински беше одликуван со плакета.

Во последните години истражувањата на локалитетот напредуваат со забележителна динамика, а резултатите предизвикуваат голем интерес меѓу научниците и туристите. Општина Петрич преку своите проекти го истакнува значењето на античкиот град како стратешки туристички центар во регионот.

Изложбата „Тајни и загатки од Хераклеја Синтика – патување низ времето“, во организација на Историскиот музеј – Петрич, успешно се претставува во повеќе европски престолнини и меѓународни форуми.

Извор:https://tribuna.mk/