Софискиот универзитет е меѓу првите 40% универзитети во светот

Софискиот универзитет „Св. Климент Охридски“ за трета година по ред е вклучен во глобалната ранг-листа QS World University Rankings: Sustainability 2026, објавена на 18 ноември 2025 година, јавува БГНЕС.

Универзитетот е рангиран на 814 место од вкупно 2002 институции од Европа, Азија, Америка, Океанија и Африка. Со ова се вбројува меѓу првите 40% најдобро оценети универзитети во светот. Во рамки на Европа зазема 312 место од 621 класирани универзитети, а во Источна Европа е на 29 место од вкупно 90 институции.

Рангирањето QS Sustainability ги оценува активностите и резултатите на универзитетите поврзани со одржливиот развој, климатските промени и влијанието врз животната средина и општеството. При оценувањето се земаат предвид научните и технолошките истражувања поврзани со целите на ООН за одржлив развој, како и социјалното и еколошкото влијание на образовните институции.

Извор:https://tribuna.mk/