Marilyn Manson, Godsmack и Electric Callboy го претворија Пловдив во епицентар на рок и метал музиката

Тридневниот фестивал „Hills of Rock 2026“ на Веслачката база во Пловдив собра десетици бугарски и светски групи и илјадници посетители, забележувајќи рекордна посетеност во своето осмо издание, јавува БГНЕС.

Мерлин Менсон настапи пред најбројната публика во историјата на фестивалот, додека Godsmack ја одбележаа втората вечер со енергичен концерт и предлог за брак во ВИП-зоната за време на песната „You and I“.

Последната вечер донесе први настапи во Бугарија на Electric Callboy и Lamb Of God. На фестивалот настапија и Sex Pistols со Frank Carter, P.O.D., Black Label Society со Zakk Wylde, Skindred, Nevermore, Paradise Lost, Deafheaven и повеќе бугарски групи.

Организаторот Fest Team обезбеди знаковен превод за лицата со оштетен слух. Промотивните билети за „Hills of Rock 2027“ беа распродадени за само еден час.

Извор:https://tribuna.mk/