top of page
  • Writer's pictureДело-Скопје

Македонските млади борачи со три медали на меѓународниот турнир во Стара Загора



На меѓународниот турнир во борење „Динко Петров“ во Стара Загора, Бугарија, македонските борачи се закитија со три медали.


Марио Ананиев („Радовиш“) успеа да освои златен медал, а Зоран Шоров („Балканец“) и Анастасија Трајчева („Штип“) стигнаа до бронзата.


Ананиев ја освои првата позицијата во категоријата 48 кг. (У15), пред Берке Ибрам („Дан Колов“, Елена), Доминик Олсон (САД) и Гроздан Петков („Осман Дуралиев, Исперих)


Шоров беше третопласиран во категоријата 75 кг (У15), на првото место се најде Венелин Георгиев („Левски“, Софија).


Трајчева во категоријата 46 кг. (У15) е третопласирана, а најдобра беше Дајана Стојчева („Берое“, Стара Загора).


На турнирот учествуваа 203 натпреварувачи од Косово, Турција, Македонија, САД, како и 29 клубови од Бугарија.


Comments


bottom of page