Крум Чапрашиков- комита, трговец, мецена, основач на весникот „Зора“ и член на управниот одбор на Македонската банка во Софија

Големиот бугарски трговец со тутун мецена и припадник на ВМОРО Крум Чапрашиков е роден во 1882 или 1883 година во Дупница. Тој е син на Георги Чапрашиков од Горна Џумаја и брат на трговците и општественици Александар Чапрашиков и Стефан Чапрашиков. Како ученик во Дупница во 1898 година е член на Тајниот ученички кружок „Борба“, кој претставува дел од Македонскиот кружок „Револуција“. Учи во Американскиот колеџ во Самоков, каде што станува член на ВМОРО. Во 1906 година дипломира право во Гренобл, Франција. Финансиски ја поддржува ВМОРО, како ученик е комита во четата на војводата на ВМОРО и бугарски офицер Христо Чернопеев. По враќањето во Бугарија добива наследство од својот чичко Иван Чапрашиков и започнува трговија со тутун.

Како локален лидер на Демократската партија е избран за градоначалник на Дупница во 1909 година. Во неговиот мандат е одобрен урбанистичкиот план на градот во Софија. За време на Балканската војна е на чело на чета која дејствува во авангардот на Бугарската армија.

Бил пратеник во XIV, XVI и XVII редовно Народно собрание. Во 1921 година придонесува за основањето на акционерското друштво „Ориенттабако“, во кое е акционер. Тој е и еден од основачите на весникот „Зора“. Во 1928 година станува член на управниот одбор на Македонската народна банка.

Умира во 1934 година. Донирал средства за издршката на училиштата во Горна Џумаја, Дупница, Кочериново и Крумово.

Неговата куќа во Софија е прогласена за споменик на културата во 1978 година. Има ќерка, Ана Чапрашикова, која по 9 септември 1944 година емигрира во Швајцарија, а од 1954 година се преселува во САД. Долги години работи како новинарка во бирото на списанието „Пари Мач“. Според нејзиниот тестамент го остава својот имот во корист на Американскиот универзитет во Бугарија.

Извор:https://tribuna.mk/