top of page
  • Writer's pictureДело-Скопје

Две лица загинати во поплавите во Бугарија, поплавени хотели и куќи.



Невремето на јужниот бугарски брег на Црното Море однесе два животи, а на западот на Турција пет лица исчезнаа во поплавите.


Две лица загинаа, а уште три лица се сметаат за исчезнати, објави бугарскиот телевизиски канал „БТВ“, повикувајќи се на властите.


Многу хотели и куќи се поплавени по обилните дождови, јавуваат бугарските медиуми. Властите во градот Царево прогласија вонредна состојба откако реката Велека се излеа од коритото. Според извештаите, патиштата беа поплавени, некои мостови беа однесени, а неколку одморалишта беа отсечени.


Во одморалиштето Синеморец прекинато е снабдувањето со електрична енергија, а помалото село Кости е евакуирано. Властите во Царево ги повикаа луѓето да се преселат на повисоки места каде што е можно.


Comments


bottom of page