top of page
  • Writer's pictureДело-Скопје

Бугарското масло од роза доби географска ознака



Бугарското масло од роза е регистрирано според Женевскиот закон во Меѓународниот регистар на Светската организација за интелектуална сопственост. Ова го истакна заменик министерот за земјоделство Георги Шабев. Според него ова е прв бугарски земјоделски производ вклучен во овој регистар.


„Со неговото влегување, бугарското масло од роза ќе има уште подобра видливост и заштита. Се надевам дека наскоро таму ќе најдат место и други бугарски производи“, додаде Шабев, цитиран од БТА.


Тој рече дека секторот ГИ дава огромен придонес во економијата на Европската унија, со годишни приходи од продажба на производи со ГИ кои надминуваат 75 милијарди евра, како и 15,5 отсто од вкупниот извоз на земјоделски производи и пијалоци.


Според заменик министерот, реформата на европските шеми за квалитет на земјоделските производи треба да создаде подобри услови за позиционирање на производителите на вина, жестоки пијалаци и други производи со географска ознака, пренесува „24Часа.бг“.


Comentarios


bottom of page