Бугарски ученички со врвни резултати на меѓународна олимпијада по креативно програмирање

Шесттоодделенката Александра Стаменова освои прво место на International Scratch Creative Programming Olympiad – меѓународна олимпијада по креативно програмирање што се одржа онлајн. Таа е ученичка во 107. ОУ „Kан Крум“ во Софија и заедно со Стефанија Петрова од седмо одделение ја претставуваа Бугарија во финалниот круг на олимпијадата.

На олимпијадата учествуваа деца од 65 држави. Натпреварувачите имаа само два дена да ги подготват трите компоненти на олимпијадата – оригинален креативен проект на зададени теми, алгоритамска задача и тест.

Александра го освои првото место во возрасната група од 11 до 12 години, признание што се доделува на тројца ученици во категоријата. Стефанија се пласираше на петтото место во групата 13–14 години. Двете постигнаа извонредни резултати – 100,8 и 98,5 поени, што се највисоките оценки добиени од бугарски ученици на оваа олимпијада од нејзиното основање.

Нивниот ментор и подготвувач за натпревари е Мартина Ценова, наставничка по компјутерско моделирање и информатичка технологија во 107. ОУ.

Извор:https://tribuna.mk/