Бугари создадоа беспилотно летало кое може суштински да го промени начинот на транспорт на стоки на растојанија до 2.500 километри. Првиот товарен дрон на далечински управувач го создадоа Бугарите – браќата Свилен и Константин Рангелови. Истиот нема аналог во светот.
Првата авиокомпанија во светот со товарни дронови е бугарска. Тимот веќе успешно го заврши својот прв пробен лет со авионот “Црн лебед” на аеродромот во Балчик. Двајцата браќа Константин и Свилен Рангелови го развиваат проектот речиси 10 години.
„Црниот лебед“ може да носи товар до 350 кг, на оддалеченост до 2.500 км. На дронот му се потребни само 400 м за да слета и полета.
„Планираме да ги започнеме првите комерцијални летови на крајот на оваа година во Грција – ќе носиме резервни делови, електроника, фармацевтски и медицински производи“, вели Свилен Рангелов.
