top of page
  • Дело-Скопје

ЗАВОД ЗА РЕХАБИЛИТАЦИЈА ДОБИ НАЈСОВРЕМЕН АУДИОМЕТАР СО ПОДДРШКА ОД БУГАРИЈА



Најсовремен клинички аудиометар е обезбеден во Заводот за рехабилитација на слух, говор и глас со поддршка од Република Бугарија. Со оваа опрема значително се унапредува квалитетот во дијагностиката на слушните оштетувања, како и третманот на лицата со кохлеарен имплант.


Дел од перформансите на аудиометарот се веќе пуштени во употреба во делот на тонална аудиометрија, каде фреквенцијата на пациенти е околу 10-тина дневно.


– Изразувам искрена благодарност до министерот за надворешни работи на Република Бугарија, Николај Милков, како и до Амбасадата на Република Бугарија, за континуираната поддршка и одличната соработка, посочи министерот за здравство Беким Сали на денешната посета на Заводот.


-Ме радува што на некој начин успеваме да придонесеме за ублажување на состојбата на луѓето кои имаат одредени проблеми. Бугарската програма „Помош за развој“ се распределува различни земји, а во Република Северна Македонија доаѓа на најприроден начин, бидејќи сме блиски. И нашата земја во иднина ќе прави напори во оваа насока, рече министерот за надворешни работи на Бугарија Николај Милков, кој доби благодарница и слика нацртана од пациенти на медицинската установа.


Извор: https://lokalno.mk/zavod-za-rehabilitaci%D1%98a-dobi-na%D1%98sovremen-audiometar-so-poddrshka-od-bugari%D1%98a/

bottom of page